والله وحدو بينا البارحونا وراحو
شالوا من وادينا بهجتو وافراحو
الكتير يا حليلم يا حليل الراحو
***
طال نواك وانا قلبي باكي ليلو وصباحو
في الضياع والحسرة السنين كم راحو
راحت الافراح قلبي عاش لنواحو
ومين يكون لفؤادي روحو زي افراحو
***
انا قلبي الصبر لمن تعب صبارو
نظرة باكية حزينة دار وراها ودارو
يوم رحلت وشلتا بهجتو وانوارو
لا ارتويت من عطفو ولا انكويت بنارو
***
يا القليب الصادق كنت نبعو في دارو
كنت ليهو حبيبو كنت اهلو ودارو
فضحني عيوني كشفن اسرارو
العيون لو رادو ما بيعرفو يدارو
رووووووعة
إرسال ردحذف